vafa ka ye rishta sada hi rahega
kisi ke bhi roke se ye kab rukega
jo chaho zamane ko apna banana
vafa ki hi rahon pe chalna paḌega
vo milta tha mujh se to kahta tha aksar
mujhe chhoḌ ke pur-sukun kab rahega
ye qudrat ka dastur hai sidha-sada
uchhaloge pathar to sar pe girega
farebon pe tere kiya hai kinara
zamana mujhe kyon sitamgar kahega
use yaad aa.egi ulfat hamari
akele men baiTha vo roya karega
‘shagufta’ kabhi bhi na tujh se milegi
tira naam dil men mire hi rahega
Leave a Reply