har lahza miri ziist mujhe bar-e-garan hai
vo mera lahu hai ki mira dushman-e-jan hai
is daur men jiine ki saza kaaT raha huun
har saans ki raftar men ehsas-e-ziyan hai
uḌ jaate hain shaḳhon se sahar hote hi taa.ir
bas rain-basera hai yahan jo bhi makan hai
donon hi junun-ḳhezi ke tufan men giraftar
tahzib-e-ibadat na yahan hai na vahan hai
rishte sabhi zanjir-e-zarurat se juḌe the
ab kaun ye puchhe ki ‘taqi’ hai to kahan hai
Leave a Reply