Hasan Nizami
main ghar se zehn men kuchh sochta nikal aaya
saḌak pe ḳhauf ka ik silsila nikal aaya
vo ek dard shagufta gulab ho kar bhi
badan pe zaḳhm sa jaise naya nikal aaya
sulagti dhuup ne is darja kar diya be-tab
mujhi se saaya mera hanpta nikal aaya
safed-poshon ki tauqir ke tahaffuz men
hamare shahr ka tabqa baḌa nikal aaya
mujhe vo rakhta hai masruf kis nazakat se
ki gham se rishta mira dusra nikal aaya
vo ek lams tha us ka hayat ka zamin
chhua jo peḌ to patta hara nikal aaya
Leave a Reply