Dheerendra Singh Faiyaz
main ik jhuTi kahani likh raha huun
lihaza zindagani likh raha huun
tu jhilon ki rukavaT sochti rah
main dariya ki ravani likh raha huun
sarabon se kahin bujhti hain pyasen
guman ke munh pe paani likh raha huun
badan ka tarjuma to kar diya hai
ab ankhon ke ma.ani likh raha huun
mujhe likhna tha apne baare men kuchh
so apni ra.egani likh raha huun
Leave a Reply