Ainuddin Azim
mere hamrah sitare kabhi jugnu nikle
justuju men tiri har raat muhim-ju nikle
teri roti hui ankhen hain miri ankhon men
varna patthar men kahan jaan ki aansu nikle
saans lene ki jasarat bhi na kar pa.unga
jism se mere jo pal bhar ke liye tu nikle
ahl-e-dil yunhi tar-o-taza nahin rakhte unhen
zaḳhm bhar jaaen to mumkin nahin ḳhushbu nikle
zikr men tere gavara nahin itna bhi mujhe
ma-siva tere koi aur bhi pahlu nikle
teri chaukhaT pe pahunchna hai salamat mujh ko
jaan pyase ki jo nikle to lab-e-ju nikle
main vo nadan ki dhundun koi apne jaisa
aur ahbab the ‘azim’ ki arastu nikle
Leave a Reply