Ahmad Rahi
main dil-zada huun agar dil-figar vo bhi hain
ki dard-e-ishq ke ab daavedar vo bhi hain
hua hai jin ke karam se dil o nazar ka ziyan
ba-faiz-e-vaqt mire gham-gusar vo bhi hain
shahid jazbon ki fahrist kya murattab ho
shumar men jo nahin be-shumar vo bhi hain
dil-e-tabah! ye asar hain qayamat ke
rahin-e-gardish-e-lail-o-nahar vo bhi hain
harim-e-husn ki tazin the jo paikar-e-naz
ba-hal-e-zar sar-e-rahguzar vo bhi hain
vo jin se aam hui dastan-e-ahd-e-junun
tire gunah dil-e-na-karda-kar vo bhi hain
Leave a Reply