Sagheer Malal
main DhunD luun agar us ka koi nishan dekhun
buland hota faza men kahin dhuan dekhun
abas hai sochna la-intiha ke baare men
nigahen kyuun na jhuka luun jo asman dekhun
bahut qadim hai matruk to nahin lekin
hava jo ret pe likhti hai vo zaban dekhun
hai ek umr se ḳhvahish ki duur ja ke kahin
main ḳhud ko ajnabi logon ke darmiyan dekhun
ḳhayal tak na rahe ra.egan guzarne ka
agar ‘malal’ in ankhon ko mehrban dekhun
Leave a Reply