Poet
ham ne to ujaaḌ aur basti dekhi
duniya ki sabhi buland aur pasti dekhi
surat pe ḳhayal apni aaya jis dam
yak lahza habab-var pasti dekhi
kitnon ke ma.ash ki durusti dekhi
kitnon ki ba-ḳhana faqa-masti dekhi
duniya hai basan qahba ḳhush-dil ghamgin
roti hai kabhi kabhi to hansti dekhi
jis dast ki main daraz-dasti dekhi
is dast ki aḳhirash shikasti dekhi
jis ne bastam kiya makan ko ta.amir
divar phir us makan ki khisakti dekhi
ba-vasf ayaan hai lek ba.azi ḳhilqat
is shoḳh ki diid ko tarasti dekhi
ye turfa hai majra ki ka.aba-e-dil men
‘afridi’ ki ham ne but-parasti dekhi
Leave a Reply