naam hi rah gaya ik anjuman-ara.i ka
chhup gaya chand bhi ab to shab-e-tanha.i ka
dil se jaati nahin Thahre hue qadmon ki sada
aankh ne svang racha rakkha hai bina.i ka
ek ik yaad ko aahon se jalata ja.un
kaam saunpa hai ajab us ne masiha.i ka
ab na vo lams nigahon ka na ḳhushbu ki sada
dil ne dekha tha magar ḳhvab shanasa.i ka
sa.at-e-dard farozan hai baha len aansu
TuTne ko hai kaḌa vaqt shakeba.i ka
Leave a Reply