Nam Hi Rah Gaya Ek Anjuman-Arai Ka

naam hī rah gayā ik anjuman-ārā.ī kā

chhup gayā chāñd bhī ab to shab-e-tanhā.ī kā

dil se jaatī nahīñ Thahre hue qadmoñ kī sadā

aañkh ne svāñg rachā rakkhā hai bīnā.ī kā

ek ik yaad ko aahoñ se jalātā jā.ūñ

kaam sauñpā hai ajab us ne masīhā.ī kā

ab na vo lams nigāhoñ kā na ḳhushbū kī sadā

dil ne dekhā thā magar ḳhvāb shanāsā.ī kā

sā.at-e-dard farozāñ hai bahā leñ aañsū

TūTne ko hai kaḌā vaqt shakebā.ī kā

Leave a Comment