arzuon ka hasin paikar tarash
ik sarab-e-sub.h ka manzar tarash
ik gharaunda reg-e-sahil se bana
barf ke patthar se ik dilbar tarash
dida-e-namnak se dariya baha
ah-e-sho.ala-bar se mahshar tarash
is hisar-e-zat se bahar nikal
gumbad-e-be-dar men tu ik dar tarash
bahr-e-ishrat men sadaf milta nahin
qatra-e-ḳhun-nab se gauhar tarash
tegh-e-zang-alud ko phir aab de
jabr-o-istibdad ke phir sar tarash
ta.ir-e-ḳhvahish ki lambi hai uḌaan
us ke bal-o-par ko tu akasr tarash
Leave a Reply