Mohammad Shahid Firoz
main apne naqsh bana luun to phir nikalte hain
zara vajud men aa luun to phir nikalte hain
bahut uḌaa.e hai ye ḳhaak chaar su meri
guman ki ḳhaak uḌa luun to phir nikalte hain
main apne karb ka elaan karne vaala huun
main khul ke shor macha luun to phir nikalte hain
mujhe tamam ghamon se bichhaḌ ke jaana hai
unhen gale se laga luun to phir nikalte hain
is ek rog ne chhina hai zindagi ka sukun
zara ye bhuuk chura luun to phir nikalte hain
men tark-e-ḳhvahish-e-duniya uTha.e phirta huun
zara ye laash daba luun to phir nikalte hain
junun ki raah pe ab ishq chal paḌa ‘shahid’
junun ke hosh uḌa luun to phir nikalte hain
Leave a Reply