Ram Riyaz
main andheron ka pujari huun mire paas na aa
apne mahaul se aari huun mire paas na aa
rup-mahlon ki tu raani hai tira naam baḌa
main to kaliyon ka bhikari huun mire paas na aa
miri avaz ne kitne hi chaman phunk diye
nala-e-sub.h-e-bahari huun mire paas na aa
ranj-o-alam ke sahraon men dariya ban kar
main baḌe zor se jaari huun mire paas na aa
Thiik hai dost vahi huun main tira ‘ram’ magar
ab main halat se aari huun mire paas na aa
Leave a Reply