chalte hain ki ab sabr bhi itna nahin rakhte
ik aur na.e dukh ka irada nahin rakhte
bas ret si uḌti hai ab us rahguzar par
jo peḌ bhi milte hain vo saaya nahin karte
kis taur se aḳhir unhen tasvir karen ham
jo ḳhvab azal se koi chehra nahin rakhte
ik baar bichhaḌ jaa.en to DhunDhe na milenge
ham rah men kahin naqsh-e-kaf-e-pa nahin rakhte
phir sulh bhi tum bin to kahan honi thi ḳhud se
so rabt bhi ab ḳhud se ziyada nahin rakhte
us moḌ pe ruThe ho tum ai dost ki jis par
dushman bhi koi ranj purana nahin rakhte
kya soch ke zinda hain tire dasht men ye log
ankhon men jo ik ḳhvab ka TukḌa nahin rakhte
Leave a Reply