Rafique Khayal
sannaTa chha gaya hai shab-e-gham ki chaap par
suraj ko tha yaqin bahut apne-ap par
vo sa.iqa mizaj hai main sard barf sa
hairat-zada hain log tamam is milap par
main huun fasurda shaam ki afsurdagi hai aur
dhundla sa aks-e-yar hai yadon ki bhaap par
main manzilon ki justuju men tha ba-rang-e-mauj
ab raqs kar raha huun mohabbat ki thaap par
lazim ye pesh-ḳhema-e-afat hai ‘ḳhayal’
beja jama nahin hain parinde alaap par
Leave a Reply