Mushtaq Naqvi
maa.il jo aj-kal nigah-e-nim-baz hai
vo dil TaTolte hain ki kitna gudaz hai
tarikiyon men vaqt ki raftar kho ga.i
ye sham-e-gham hai ya tiri zulf-e-daraz hai
toḌe hazar jaam sharabon men Duub kar
milta nahin jo in ki nigahon men raaz hai
ab vo sitam karen ki karam ham ko kya gharaz
dil un ko de ke ishq bahut be-niyaz hai
tum nang jaan kar ise chaho to bhuul jaao
ham ko to ab bhi apni mohabbat pe naaz hai
Leave a Reply