Mai Mile Ya Na Mile Rasm Nibha Li Jae

mai mile yā na mile rasm nibhā lī jaa.e

ḳhālī botal hai to ḳhālī hī uchhālī jaa.e

ham bhī haiñ sīna-sipar aap bhī shamshīr-ba-kaf

baat to jab hai koī vaar nā ḳhālī jaa.e

ghar ke āñgan meñ ta.assub kī ye saḌtī huī laash

kitne din biit ga.e ab to uThā lī jaa.e

kyā ta.ajjub hai ki kuchh sote hue jaag uThīñ

suunī bastī meñ ik āvāz lagā lī jaa.e

kal jo aa.eñ vo añdheroñ meñ na bhaTkeñ ‘rāhī’

laao ik sham.a sar-e-rāh jalā lī jaa.e

Leave a Comment