siraj-aurangabadi

Ai dost Talattuf Sin Mere Haal Kun Aa dekh

ai dost talattuf siin mire haal kuun aa dekh

siine ki agan mehr ke paani siin bujha dekh

sadiq huun mujhe bul-havas ai jaan tuun mat jaan

shamshir-e-taghaful dil-e-zakhmi pe chala dekh

pyasa huun tiri tegh ke paani ka har ik dam

bavar nahin ye baat to yak-bar pila dekh

mujh aah ki garmi siin jhade phuul chaman ke

ai sarv-e-gulistan-e-ada baagh men ja dekh

banda huun tira khvah karam khvah jafa kar

jis tarz tire shauq men hue mujh kuun jala dekh

naqd-e-dil-e-khalis kuun miri qalb tuun mat jaan

hai tujh kuun agar shubah to kas dekh tapa dekh

tujh lab ke tabassum men hai ejaz-e-masiha

ai jan-e-‘siraj’ is dil-e-be-jan kuun jala dekh

More Poems

Leave a Comment