Nushur Wahidi
mai-ḳhane men baḌhti ga.i tafriq-e-nihan aur
shishe ka bayan aur hai saaqi ka bayan aur
inkar-e-haqiqat bhi hai ik sair-e-haqiqat
hota hai yaqin aur to baḌhta hai guman aur
rangin fazaon men Tapakne lage aansu
aaya huun gulistan to shabnam hai chakan aur
is darja bhi mayus na dekhi thiin baharen
duniya men hain ai dost bahut mulk-e-ḳhizan aur
har gaam ‘nushur’ abla-pa.i ka hai aalam
kuchh duur hai ye qafila-e-dard ravan aur
Leave a Reply