Raheel Farooq
mahshar ki is ghaḌi men hamara koi to ho
ai raat ai firaq ḳhudara koi to ho
ye bad-dua nahin magar is dil ka ham-nava
koi to ho nasib ka maara koi to ho
tinka hai ashiyane ki kya ḳhuub yadgar
achchha hai Dubte ko sahara koi to ho
sarkar haath paanv to sab de ga.e javab
is na-murad dil ka bhi chara koi to ho
kya hijr kya visal vahi ashiqon ka haal
aḳhir qarar men bhi bechara koi to ho
‘rahil’ gham ke ba.ad ḳhushi bhi mile magar
is bahr-e-be-karan ka kinara koi to ho
Leave a Reply