Poet
ajiib shahr ka naqsha dikhai deta hai
jidhar bhi dekho andhera dikhai deta hai
nazar nazar ki hai aur apne apne zarf ki baat
mujhe to qatre men dariya dikhai deta hai
bura kahe jise duniya bura nahin hota
miri nazar men vo achchha dikhai deta hai
nahin fareb-e-nazar ye yahi haqiqat hai
mujhe to shahr bhi sahra dikhai deta hai
hain sirf kahne ko bijli ke qumqume raushan
har ek samt andhera dikhai deta hai
ajiib haal hai sailab ban gae sahra
jise bhi dekhiye pyasa dikhai deta hai
Leave a Reply