Sarfraz Arish
paikar se husn jhankte bola ki aa.iye
dariya ke saath aap bhi sahra bana.iye
phir yuun hua ham us men kahin mahv ho ga.e
us ne kaha tha vaqt ko sakte men la.iye
ai sakinan-e-chashm chalen sulh kijiye
uThiye hamare ḳhvab ko siine laga.iye
is kasa-e-huruf ki sunta nahin koi
dast-e-dua sameTiye aur lauT ja.iye
vaqt-e-safar ḳhamosh hain bosa-kinan-e-lab
un se kalam kijiye un ko rula.iye
‘arish’ kisi ne chand banana hai chaak par
apne badan ki miTTi zara gundh la.iye
Leave a Reply