Zia Jalandhari
raste tiira sahi siine to be-nur nahin
aankh jo dekh rahi hai hamen manzur nahin
peḌ pat-jhaḌ men lahu rote hain afsurda na ho
shaḳh men nam hai to phir mausam-e-gul duur nahin
mushkilen dil men na.i sham.en jala deti hain
gham se bujh jaana to durveshon ka dastur nahin
jaane kya gham tha ki chup oḌh ke vo baiTh raha
vo kam-amez to hai yaaro pa maghrur nahin
Leave a Reply