Mahshar-E-Hijr Tera Surat-E-KHas Samne Hai

mahshar-e-hijr tirā sūrat-e-ḳhas sāmne hai

ik baras biit gayā ek baras sāmne hai

sūrat-e-ishva-e-ḳhāshāk hai āvāra vajūd

kyā sambhal pā.egā dariyā-e-havas sāmne hai

harf-e-shart aatā hai jab terī zabāñ par sar-e-shām

aisā lagtā hai ki ik aur qafas sāmne hai

jaane kis vaqt ye uḌ kar mire dil tak pahuñche

manzileñ duur haiñ āzār-e-jaras sāmne hai

is kā honā bhī na hone kī tarah hai ‘āfāq’

is tarah hai vo mire sāmne bas sāmne hai

Leave a Comment