mahshar-e-hijr tira surat-e-ḳhas samne hai
ik baras biit gaya ek baras samne hai
surat-e-ishva-e-ḳhashak hai avara vajud
kya sambhal pa.ega dariya-e-havas samne hai
harf-e-shart aata hai jab teri zaban par sar-e-sham
aisa lagta hai ki ik aur qafas samne hai
jaane kis vaqt ye uḌ kar mire dil tak pahunche
manzilen duur hain azar-e-jaras samne hai
is ka hona bhi na hone ki tarah hai ‘afaq’
is tarah hai vo mire samne bas samne hai
Leave a Reply