mahakta hua aaj saara chaman hai
baharon ka maskan mira hi vatan hai
gulon ka jo nikhra hua sa badan hai
ajab hai nazakat ghazab bankpan hai
suḳhan ka ye rasta bahut hi kaThin hai
magar har suḳhnavar isi men magan hai
to ja.un kahan us gali se jo niklun
kahin bhi rukun main usi ki lagan hai
khaḌe hain pareshan yahan par sabhi jo
jahan dekhte hain faza men ghuTan hai
ba-zahir jo karte hain ulfat ki baten
unhi ke dilon men hasad hai jalan hai
‘hina’ tum bata do kahan hai vo manzil
ye rasta hai kaisa ye kaisi thakan hai
Leave a Reply