Poet
mah-ru yaan hazar ko dekha
ham ne ab tak na yaar ko dekha
umr bhar muntazir rahe us ke
raah ke intizar ko dekha
vaada-e-hashr log kahte hain
ham ne vo bhi qarar ko dekha
koi aaya nazar na us ja bhi
jab dil-e-gham-gusar ko dekha
rah gae na-murad duniya men
kitne sar iftikhar ko dekha
bagh-e-hasti men surkh-ru na hue
gul ke har khaar khaar ko dekha
ganj jis ja hai us jagah ‘miskin’
baithe rahte hain maar ko dekha
Leave a Reply