poet

Gar Jafa Ki Na Ho Wafa Mane

gar jafa ki na ho vafa maane

koi zalim nahin tira maane

chara-gar ke ilahi tuten haath

ho gai dard ki dava maane

samne tere dam na nikla haae

hasraton ki hui qaza maane

kyuun na ulti naqab chehre se

hashr ki kyuun hui haya maane

kyuun na pheri chhuri ruka kyuun haath

tera jallad kaun tha maane

chhod kar parda hat gaya vo shokh

naala didar ka hua maane

‘asman’ us qamar ke aane ka

hua izhar-e-muddaa maane

More Poems

Leave a Comment