mah-e-man shama tuman dil ke shabistan men aa
nur-e-dida ho meri chashm ke aivan men aa
be-niyazi suun teri jan-ba-lab aaya hai mujhe
chhod kar taur-e-jafa kuchh rah-e-ehsan men aa
dil to behal hua goi naman sargardan
zulf-e-pur-pech ke chaugan le maidan men aa
sarv-o-shamshad-o-gul-o-lala usi ka hai zuhur
dekhne us ke zuhurat kuun bustan men aa
surat-e-lafz-o-ibarat-o-maani andar
jalva-gar tuun che hua hai mere divan men aa
sakht parda hai guman dida-e-dil par ‘qurbi’
dek mukh yaar ka har ja rah-e-iqan men aa