yaan talak ke hai tire hijr men fariyad ki bas
na hua tu bhi kabhi haae ye irshad ki bas
ek bulbul bhi chaman men na rahi ab ki fasal
zulm aisa hi kiya tu ne ai sayyad ki bas
be-sutun khod ke sar phod diya ji apna
kaam aisa hi hua tujh se ai farhad ki bas
dil ki hasrat na rahi dil men mire kuchh baaqi
ek hi tegh laga aisi ai jallad ki bas
ishq men us ke bagule ki tira ai ‘taban’
khaak apni ko diya yaan taiin barbad ki bas
Leave a Reply