teri ankhon men jo nasha hai pazira.i ka
rang bhar de na miri ziist men rusva.i ka
tujh ko afsun-e-mohabbat ki zarurat kya thi
sehr kuchh kam to nahin tha tiri ra.ana.i ka
dil to kya chiiz hai jaan us pe tasadduq kar duun
ye agar arbada bhi ho kisi harja.i ka
sochta huun dil-e-betab pe kya guzregi
samna ho gaya gar phir shab-e-tanha.i ka
kahin aisa na ho is lutf-o-mudarat ke ba.ad
imtihan ho mire pindar-e-shakeba.i ka
Leave a Reply