Ajiz Kamaal Rana
jhuTa hai janta huun magar is ke bavajud
raunaq lagae rakhta hai ik ḳhvab ka vajud
us ne kitab khol ke rakh di hai shelf men
meri qaba-e-vasl ko kab mil saka vajud
is baat se hi dekh len qurbat hamare beach
pahna hai main ne ruuh pe us shaḳhs ka vajud
phir main karun na naaz kyuun apni baḌai par
yazdan ne apne haath se sincha mira vajud
us men har ek baat hai par bolta nahin
paaya hai mere yaar ne tasvir sa vajud
kaise karega samna duniya ka ab kamal
zillat ki gahri khaai men phenka gaya vajud
Leave a Reply