poet

Ab Ahl-E-Dil Hain Ki Nayab Hote Jate Hain

ab ahl-e-dil hain ki nayab hote jaate hain

ghubar-e-khatir-e-ahbab hote jaate hain

tumhare aane se kuchh iztirab kam hota

ye kya ki aur bhi betab hote jaate hain

sukun-maab samajhte the jin kinaron ko

simat ke halqa-e-girdab hote jaate hain

hamen bhi raat ko din kahna aata jaata hai

ki ham bhi hamil-e-adab hote jaate hain

hamen mile na mile zindagi magar ‘nikhat’

suna hai ziist ke asbab hote jaate hain

More Poems

Leave a Comment