ghar ka rasta bhi mila tha shayad
raah men sang-e-vafa tha shayad
is qadar tez hava ke jhonke
shakh par phuul khila tha shayad
jis ki baton ke fasane likkhe
us ne to kuchh na kaha tha shayad
log be-mehr na hote honge
vahm sa dil ko hua tha shayad
tujh ko bhule to dua tak bhule
aur vahi vaqt-e-dua tha shayad
khun-e-dil men to duboya tha qalam
aur phir kuchh na likha tha shayad
dil ka jo rang hai ye rang ‘ada’
pahle ankhon men racha tha shayad
Leave a Reply