Magar in Aankhon Mein Kis Subh Ke Hawale The

Farooq Muztar

magar in ankhon men kis sub.h ke havale the

hamare naam ke saare huruf kaale the

ye ḳhak-o-bad ye zulmat-o-nur-o-bahr-o-bar

kitab-e-jan men ye kis zaat ke havale the

hai rang rang magar aftab a.ina

jabin-e-shab pe to likkhe saval kaale the

misal-e-barq giri ek aan tegh-e-hava

abhi darichon se logon ne sar nikale the

yahan jo aaj shajar saya-dar hai ‘muztar’

yahin pe ham bhi kabhi barg-o-bar vaale the