Poet
madar-e-zist hai jis par vo saans hi kiya hai
agar ho ishq se ḳhali to zindagi kya hai
huzur-e-dost ḳhabar ho ki be-ḳhudi kya hai
isi ka naam hai ghaflat to agahi kya hai
nafas nafas tira sajda qadam qadam tiri raah
jo zindagi se alag ho vo bandagi kya hai
na ab hai qurb ki ḳhvahish na justuju-e-karam
kisi ka gham hai salamat to phir kami kya hai
bana diya hai mire ishq ki nazar ne hasin
tiri ada tire jalvon ki dil-kashi kya hai
nigah-e-ishq se paida to ho koi bijli
giri na husn ke dil par to baat hi kya
quyud-e-lafz men dil ki sada chhupi hai ‘bashir’
hamare sher hain kya chiiz sha.iri kya hai
Leave a Reply