ḳhvab men bhi na kabhi un se mulaqat hui
hamen hasil na kabhi vaj.h-e-mubahat hui
fikr-e-farda hai kabhi ranj-o-gham-e-dosh kabhi
kis qadar ruh-e-bashar morid-e-afat hui
ḳhasta-hali pe miri un ko bhi rona aaya
ba.ad-e-muddat mire virane men barsat hui
vaj.h-e-ashob-e-tamanna hua fikr-e-jannat
vaj.h-e-asudgi-e-ruh munajat hui
tishnagi miT na saki kam-o-dahan ki ‘farigh’
zindagi muft men marhun-e-ḳharabat hui
Leave a Reply