asrarul-haq-majaz

Madam

zulf ki chhanv men aariz ki tab-o-tab liye

lab pe afsun liye ankhon men mai-e-nab liye

har nafas rau men liye sorish-e-tughyan-e-nihan

har nazar shauq ka afsana-e-b-tab liye

sehr o ejaaz liye jumbish-e-mizhgan-e-daraz

khanda-e-shoKh jamal-e-dur-e-khush-ab liye

zau-fagan ru-e-hasin par shab-e-mahtab-e-shabab

chashm-e-makhmur nashat-e-shab-e-mahtab liye

nashsha-e-naz javani men sharabor ada

jism zauq-e-guhar atlas-o-kamkhvab liye

zulf-e-shab-rang liye sandal o uud o ambar

kham-e-abru-e-hasin dair ki mehrab liye

lab-e-gul-rang-o-hasin jism gudaz-o-simin

shokhi-e-barq liye larzish-e-simab liye

ek sayyad-e-khush-andam svad-e-mashriq

zulf-e-bangal liye talat-e-punjab liye

nuzhat o naaz ka ik paikar-e-shadab-o-hasin

nikhat-o-nur ka umDa hua sailab liye

meri varaftagi-e-shauq musallam lekin

kis ki ankhen hain zulekha ka hasin khvab liye

More Poems

Leave a Comment