poet

Hum Unki Nazar Mein Samane Lage

ham un ki nazar men samane lage

magar jab nazar bhi na aane lage

ye teri sukhan-saziyan hain nadim

kisi par vo kyuun rahm khane lage

na di ghair ne dad-e-tarz-e-sitam

sitam-gar ko ham yaad aane lage

na danish durust aur binish baja

dil-o-dida donon thikane lage

gaya tha ki in ki khushamad karun

vo ulta mujhi ko banane lage

kabhi khair-maqdam kabhi marhaba

zaban par ye alfaz laane lage

kabhi mere qurban hote rahi

kabhi mujh ko pankha hilane lage

kabhi let kar paanv phaila diye

kabhi dekh kar muskurane lage

kiya main ne jab azm-e-bos-o-kanar

to uth baithe aur munh chidhane lage

kahin phir dupatta sambhalne laga

kahin aadmi ko bulane lage

khudaya kiya kis ne un par sitam

ilahi ye kyuun ghul machane lage

vo dam men kab aate the dete the dam

ki samjhun mire dam men aane lage

vo mahfil men aaen to ‘nazim’ zarur

mughanni ye ashar gaane lage

More Poems

Leave a Comment