Akbar Allahabadi
lutf chaho ik but-e-nau-khez ko raazi karo
naukri chaho kisi angrez ko raazi karo
leaderi chaho to lafz-e-qaum hai mehman-navaz
gap-navison ko aur ahl-e-mez ko raazi karo
taat-e-amn-o-sukun ka dil ko lekin ho jo shauq
sabr par tab-e-havas-angez ko raazi karo
zaq-zaq-o-baq-baq men duniya ke na ho ‘akbar’ sharik
chup hi rahne par zaban-e-tez ko raazi karo
Leave a Reply