Poet
luT ja.egi hayat na thi ye ḳhabar mujhe
rona paḌega hijr men sham-o-sahar mujhe
uThta huun baar baar kaleje ko thaam kar
dil men chubho raha hai koi neshtar mujhe
duniya men ansuon ki basa kar chali ga.iin
achchha diya vafaon ka meri samar mujhe
bas ai junun-e-shauq bahut naam pa chuka
lillah aur dahr men rusva na kar mujhe
jalve sameT ke dida-e-hairan men rah na jaa.en
altaf-e-be-panah se dekha na kar mujhe
ishq-o-junun men ziist ko barbad kar chuka
kahte hain log ‘maz.har’-e-ashufta-sar mujhe
Leave a Reply