Tafzeel Ahmad
ghane arman gaḌhi aarzu karne se milta hai
ḳhuda jaaḌe ki raton men vuzu karne se milta hai
hava ki dhun daraḳhton ka suḳhan naghme hain lekin fan
dilon ke chaak men ankhen rafu karne se milta hai
ḳhuda un ko shu.ur-e-tishnagi deta to achchha tha
inhin pyason men kya shaghl-e-subu karne se milta hai
yaqin duniya nahin karti magar hai tajraba mera
sukun to but-kade men hav-hu karne se milta hai
badalte rang zaḳhmon ke hain niile surḳh aur kaale
falak ko bhi ye gardish char-su karne se milta hai
ufuq par qumqumon men qumqume zam hote jaate hain
maza ankhon ka ankhen ru-ba-ru karne se milta hai
Leave a Reply