poet

Kya Ghazab Hai Ki Chaar Aankhon Mein

kya ghazab hai ki chaar ankhon men

dil churata hai yaar ankhon men

chashm-e-kaifi ke surkh Doron se

chha rahi hai bahar ankhon men

gir pada tifl-e-ashk ye machla

main ne roka hazar ankhon men

nahin uthti palak nazakat se

surma hota hai baar ankhon men

itni chhani hai khaak tere liye

chha raha hai ghubar ankhon men

jab se apna laqab hua hai ‘surur’

roz o shab hai khumar ankhon men

More Poems

Leave a Comment