Ataul Hasan
tumhare hijr ka sadqa utaar phenkta hai
diler shaḳhs hai ḳhvahish ko maar phenkta hai
baḌe baḌon ko Thikane laga diya us ne
ye ishq laash bhi sahra ke paar phenkta hai
ye kaise shaḳhs ke hathon men de diya ḳhud ko
falak ki samt mujhe baar baar phenkta hai
main janta huun mohabbat ki fasl bo.ega
zamin pe ashk jo zar-o-qatar phenkta hai
samay ki tund-mizaji na puchh mujh se ‘hasan’
ye be-lagam har ik shahsavar phenkta hai
Leave a Reply