chehron ko to paḌhte hain mohabbat nahin karte
kya log hain zaḳhmon ki himayat nahin karte
zanjir ki jhankar se abad hain zindan
ham lazzat-e-guftar ki hasrat nahin karte
ḳhush-rang ujalon ki barasti hui bunden
girti hui divar se nafrat nahin karte
patthar ki fasilon men unhen nasb kiya jaa.e
jo apni rivayat se baghavat nahin karte
vo meri talab ho ki tira lams-e-badan ho
nashshe kabhi andaza-e-vahshat nahin karte
Leave a Reply