bagh-e-alam men jahan nakhl-e-hina lagta hai
dil-e-pur-khun ka vahan haath pata lagta hai
kya tadapna dil-e-bismil ka bhala lagta hai
ki jab uchhle hai tire siine se ja lagta hai
dil kahan sair tamashe pe mira lagta hai
ji ke lag jaane se jiina bhi bura lagta hai
jo havadis se zamane ke gira phir na utha
nakhl andhi ka kahin ukhda hua lagta hai
dil lagane ka maza hai ki gazak men us ke
sab kababon se namak dil pe siva lagta hai
na shab-e-hijr men lagti hai zaban taalu se
aur na pahlu mira bistar se zara lagta hai
haae mohtaj hua marham-e-zangar ka tu
zakhm-e-dil zahr mujhe hansna tira lagta hai
ab-e-khanjar jo hai zahrab vafadari ko
paani shayad ki sar-e-mulk fana lagta hai
qad-e-majnun koi pahle se chhadi bed ki hai
jab zara jhukta hai qad paanv se ja lagta hai
zard zahid hai to kya khot abhi hai dil men
‘zauq’ us zar ko kasauti par kasa lagta hai
Leave a Reply