kishwar-naheed

Mujhe Bhula Ke Mujhe Yaad Bhi Rakha Tu Ne

mujhe bhula ke mujhe yaad bhi rakha tu ne

ye kaisa daava-e-dushvar phir kiya tu ne

hava ne apne liye naam kuchh rakhe honge

thakan se puchh liya ghar ka rasta tu ne

hazar ki ab mire hathon men muddaa bhi nahin

kiya hai laila-e-khvahish ko be-ada tu ne

ye kaun teri tarah meri aankh men chamka

jalai kaisi ye qindil-e-bad-dua tu ne

nigah-e-shab tire angan men khvab DhunDhe thi

ye ab ke zakhm bhi kaisa diya naya tu ne

tujhe mire liye nindon ke phuul laane the

ye kaisa ankhon ko bakhsha hai ratjaga tu ne

libas badli hui raunaqon ke achchhe the

magar ye dil ki rakha hausla-qaba tu ne

qadam ukhad se gae the bajae ham-safari

hava ko odh ke dekha tha bar-ha tu ne

rahi gurez ki tah-damani se bargashta

mujhe diya tha vo sauda-e-hausla tu ne

More Poems

Leave a Comment