Rajesh Reddy
kuchh parindon ko to bas do chaar daane chahiyen
kuchh ko lekin asmanon ke ḳhazane chahiyen
doston ka kya hai vo to yuun bhi mil jaate hain muft
roz ik sach bol kar dushman kamane chahiyen
tum haqiqat ko liye baiThe ho to baiThe raho
ye zamana hai ise har din fasane chahiyen
roz in ankhon ke sapne TuuT jaate hain to kya
roz in ankhon men phir sapne sajane chahiyen
bar-ha ḳhush ho rahe hain kyuun inhi baton pe log
bar-ha jin pe unhen aansu bahane chahiyen
Leave a Reply