Shuja Khaavar
pahle hua jo karte the ham vo nahin rahe
dekho shab-e-firaq hai aur ro nahin rahe
aisi bhi ro rahe hain unhen jo nahin rahe
pahle se mo.ajize to kahin ho nahin rahe
yaaro dikhao phir koi aisa hunar ki bas
ghairon ki koi fikr hi ham ko nahin rahe
ash.ar se ayaan hain to ash.ar mat paḌho
ham dil ke daagh tum ko dikha to nahin rahe
tadbir bhi hai jaan bhi hai maslahat bhi hai
rahna na tha bas ek hamen so nahin rahe
ham ghair aur vo sabhi apni jagah pe hain
bas yuun kaho miyan ki ghazal-go nahin rahe
Leave a Reply