Log Har-Chand Pand Karte Hain

log har-chand pand karte hain

ashiqan kab pasand karte hain

jama-zeban dikha ke qad apna

dil-e-ushshaq band karte hain

nigah-e-garm siin sada ashiq

atish-e-dil buland karte hain

shoḳh-chashman le jaane kuun dil ke

ḳham-e-abru kamand karte hain

jo ki tujh la.al-e-lab ke talib hain

qand kuun kab pasand karte hain

gar nahin masḳhara raqib us kuun

log kaven rish-e-ḳhand karte hain

jo ki chalte hain ishq ki rah men

dil kuun ‘yakru’ samand karte hain

Leave a Comment