liya jo us ki nigahon ne ja.eza mera
to TuuT TuuT gaya ḳhud se rabta mera
sama.aton men ye kaisi miThas ghulti rahi
tamam umr raha talḳh za.iqa mera
chaTaḳh gaya huun main apne hi haath se gir kar
mire hi aks ne toḌa hai aa.ina mera
kiya gaya tha kabhi mujh ko sangsar jahan
vahin lagaya gaya hai mujassama mera
jabhi to umr se apni ziyada lagta huun
baḌa hai mujh se ka.i saal tajraba mera
adavaton ne mujhe e’timad baḳhsha hai
mohabbaton ne to kaaTa hai rasta mera
main apne ghar men huun ghar se ga.e huon ki tarah
mire hi samne hota hai tazkira mera
main luT gaya huun ‘muzaffar’ hayat ke hathon
sunegi kis ki adalat muqaddama mera
Leave a Reply