Uqde Ulfat Ke Sab Ai Rashk-E-Qamar Khol Diye

uqde ulfat ke sab ai rashk-e-qamar khol diye

siina yuun chaak kiya dagh-e-jigar khol diye

sab hasinon ne mire qatl pe kamren bandhin

Dore talvaron ke aur band-e-sipar khol diye

aa gaya hosh tiri chaal ke mushtaqon ko

hashr ki sun ke sada dida-e-tar diye

paa.i taron ne ziya baḌh ga.i tariki-e-shab

us ne munh Dhanp ke kanon ke guhar khol diye

aam baran ki tarah se hai karam saaqi ka

aa.i barsat ki maiḳhane ke dar khol diye

ja ajab ki nahin gar ahl-e-mohabbat ro.e

mere matam men hasinon ne bhi sar khol diye

ankhen khole hue sab dekh rahe hain tujh ko

dil ke jaane ko ye ushshaq ne dar khol diye

imtihan hasrat-e-parvaz ka manzur hua

zab.h kar ke mujhe sayyad ne par khol diye

sharm aa.egi mujhe log samajh ja.enge

tum ne gesu mire lashe par agar khol diye